Во некои болници во Хонгконг нема слободни места за пациенти, па затоа ги сместуваат на кревети надвор од болницата. Ова навистина се случува во болницата „Каритас“ во Хонгконг. Во средата немало место во собите во болницата, па вработените поставиле кревети надвор од болницата.

На фотографии од АФП се покажуваат редици со кревети надвор од болницата. Биле забележани и шатори во близина на болницата кои служат за привремено сместување на пациентите.

Sick and tired.

Outside a Hong Kong hospital dozens of elderly patients on gurneys huddle under blankets on a cold, wet winter's night -- a grim scene for the city as its health system buckles under an Omicron-fuelled coronavirus wavehttps://t.co/c1B7SxVj2R pic.twitter.com/lExBLBoc0L

— AFP News Agency (@AFP) February 17, 2022

Медиумите пренесуваат и дека надвор од болницата биле забележани луѓе завиткани во прекривки кои чекаат да бидат примени во болницата. Ова е особено шокантно со оглед на тоа што Хонгконг е едно од најскапите места за живот во светот.

Градот моментално се бори со петтиот бран на ковид-19. На 17 февруари биле потврдени 6.116 новозаразени лица. Последната седмица бројот на заразени лица значително се зголемил.

Градот сега планира да ги тестира сите жители. Локалните власти побарале помош од хотелите да отворат 10.000 соби кои се празни за изолација на пациенти.

Извор: Insider
Насловна фотографија: AFP/Twitter