Тешко е постојано да се следат сите лажни информации кои постојано кружат и кажуваат што е добро, а што не е добро за јадење. Но, како би можеле да знаете што од тоа е вистина, а што мит? Со оглед на тоа што здравјето е навистина важно, изненадувачки е тоа колку малку знаеме за храната што ја јадеме.

За среќа, голем дел од оние митови кои постојано кружат сега се разрешени. Ви ги нудиме најпознатите.

1 мит: Кожата од пилешкото е лоша за здравјето.

Само затоа што е мрсна и вкусна, голем дел од луѓето веруваат дека кожата од пилешкото е лоша за здравјето на човекот. Сепак, митот оди против науката која вели дека всушност кожата е 55% мононезаситени масти кои не му штетат на срцето.

2 мит: Избегнувајте го млекото.

Иако има високо ниво на масти, пиењето на полномасно млеко е поврзано со намалување на ризикот од срцеви заболувања.

3 мит: Вашето тело комуницира со вас преку вашите желби за храна.

Нормално, кога сакаме нешто ние мислиме дека тоа му е потребно на нашето тело поради недостатокот, меѓутоа овие желби најмногу се поврзуваат со нашата емоционална состојба.

4 мит: Потребни ви се повеќе влакна

Да, влакната се важни, меѓутоа не треба постојано да јадеме јогурт и житарици со цел да ја добиеме дневната доза. Храната која ја јадеме редовно е доволна.

5 мит: Морската сол е поздрава од обичната сол

Ова е лага - иако не е обработена, се`уште ја има истата количина на натриум.

6 мит: Вагата е најдобар начин за да проверка на загубата на килограми

Кога некои луѓе ќе започнат да вежбаат за да изгубат килограми и да добијат мускули, тие се разочаруваат кога ќе ја видат нивната килажа на вагата. Мускулите тежат повеќе од мастите, па затоа вагата не е најверодостојниот показател.

7 мит: Лушпата на компирот ги содржи сите хранливи материи.

Да, лушпата на компирот содржи витамини, но само 20% од севкупниот број на хранливи материи во компирот. Решение: изедете го цел.

8 мит: Јадењето моркови го подобрува видот.

Каротенот може да помогне во одржување на видот, меѓутоа не е вистина дека ќе ви го направи подобар видот.

9 мит: Производот без масти е многу поздрав

Проблемот со многу вакви производи е дека додека мастите се отстранети, овие производи често содржат многу шеќер, што не е баш најздравата алтернатива.

10 мит: Микробрановата ги уништува хранливите материи

Ова воопшто не е точно. Микробрановите немаат никакво влијание врз хранливите материи.

11 мит: За да изгубите еден килограм, треба да согорите 3.500 калории

Иако не е технички неточно, постојат премногу варијабли низ кои ќе мора да поминете за да добиете точна пресметка, особено со оглед на тоа што е навистина тешко да се пресмета колку масти има во еден килограми.

12 мит: Човек е поздрав доколку не внесува глутен

Доколку не сте чувствителни на глутен, тогаш со откажувањето од глутенот нема многу да постигнете.

13 мит: Сирупот со висока фруктоза е најлошото нешто во светот.

Иако се крена прилично голема паника за тоа колку е подобар шеќерот од сирупот со висока фруктоза, всушност тие содржат иста количина на глукоза и фруктоза. И двете се нездрави за консумирање во голема количина, така што, прилично се исти.