Астрономи од Универзитетот „Нанџинг“ пронашле докази дека Марс има повеќе потенцијално опасни астероиди на својот пат за разлика од Земјата. Во нивната студија, тие го истражувале бројот на потенцијално опасни астероиди кои се доволно големи за да предизвикаат големо влијание доколку удрат во Марс и ги споредиле со слични процени за Земјата.

Во моментов се работи да се идентификуваат објектите во близина на Земјата (НЕО) - астероиди или комети кои би можеле да се судрат со нашата планета. Надежта е дека ако се најде ваков голем објект кој најверојатно ќе ја погоди Земјата, би можело да се најде средство за промена на неговиот курс. Истражувачкиот тим ја разгледал истата можна опасност за идните луѓе што ќе живеат на Марс.

Истражувачите погледнале подгрупа на НЕО објекти, наречени потенцијално опасни астероиди, кои се доволно големи за да предизвикаат проблеми доколку удрат во Марс.

Гледајќи ги податоците од минатите удари на Марс, вклучително и податоците за астероиди што го пресекувале Марс, како и податоците за близината на Марс до астероидниот појас, истражувачите создале симулации кои покажуваат колку често потенцијално опасните астероиди имаат веројатност да удрат во Марс. Тие откриле дека веројатноста потенцијално опасен астероид да го погоди Марс е приближно 2,5 до 3 пати поголема од онаа на Земјата. Поконкретно, тие откриле дека има приближно 17.000 потенцијално опасни астероиди кои би можеле да поминат блиску до Марс или да удрат во планетата, и приближно 4.700 такви астероиди за Земјата.

Тимот понатаму сугерира дека има 52 потенцијално опасни астероиди кои најверојатно се на патека кон Марс - нешто што може да се види од Земјата. Ова покажува дека ако може да се одреди времето, би требало да биде можно да се види и потенцијалниот судир или промашувањето.

Истражувачкиот тим, исто така, забележува дека новите телескопи веројатно ќе дадат многу подобри процени за следење вакви објекти во вселената.

Извор: phys.org

Фото: Freepik