Малите респираторни аеросоли можеби играат значајна улога во пренесувањето на коронавирусот Сарс-КоВ-2 кој ја предизвикува болеста ковид-19, велат истражувачи.

Честичките на коронавирусот најмногу може да се пренесуваат преку аеросолите од лице додека зборува или пее, велат истражувањето во ново истражување.

Според нив, аеросолите што се помали од 5 микрометри, кои се создаваат при зборување или пеење, содржат повеќе честички на коронавирусот отколку аеросолите кои се поголеми од 5 микрометри. Откритијата покажуваат дека треба да се намали изложеноста на помали аеросоли, особено во затворен простор во кој повеќе се шири коронавирусот.


Изложеноста на овие аеросоли може да се намали со носење маска, одржување физичко растојание, соодветна вентилација, подобро филтрирање на воздухот и технологија за чистење на воздухот, пишува Светскиот економски форум.

Претходни истражувања го мереле ширењето на коронавирусот преку количеството на честички во аеросоли, но ова е прво што го анализирало ширењето притоа споредувајќи ја големината на аеросолите кои се создаваат при дишење, зборување и пеење.

Во истражувањето биле вклучени 22 пациенти заболени со ковид-19 кои правеле тестови за ширење на вирусот преку дишење, зборување и пеење. Истражувачите откриле дека испуштањето вирусни честички многу се разликува помеѓу пациентите, па некои повеќе го ширеле вирусот зборувајќи отколку пеејќи.

Извор: World Economic Forum