Архимед, грчки математичар и физичар кој живеел во 3 век пр.н.е., дал значителен придонес во различни области на математиката, вклучувајќи ги геометријата, алгебрата и теоријата на броеви.
Архимед е најпознат по откривањето на принципите на пловност, но измислил и различни машини и уреди.
Историчарите се поделени околу еден негов изум наречен „смртоносниот зрак“ на Архимед.
И додека историчарите дебатираат, 13-годишен Канаѓанец одлучил да ги земе работите во свои раце.
Бренден Сенер направил проект за научен саем за да ја истражува изводливоста на минијатурна верзија на „смртоносниот зрак“ на Архимед и заклучил дека дизајнот е веродостоен.
Што претставува „смртоносниот зрак“ на Архимед?
Легендата вели дека за време на опсадата на Сиракуза од Римјаните во 212 пр.н.е., Архимед создал систем од огледала или рефлектирачки површини за да ја концентрира сончевата светлина врз римските бродови, па тие се запалиле. Но, ниту еден историски доказ не го потврдува постоењето на таков уред или неговата употреба од страна на Архимед за време на опсадата.
Фото: CSFJ
Затоа, Сенер одлучил да експериментира. Експериментот бил направен во затворен простор на температура од 21°C. Во експериментот била користена различна опрема, вклучувајќи инфрацрвен термометар, пластични стеги, грејна ламба, конкавни огледала и парче картонска хартија со означена целна област.
На масата била поставена грејна светилка од 50 W, која светела директно на означената целна област. Светилката се вклучувала три минути за да се загрее целта, а нејзината температура била измерена трипати како основна линија. Потоа биле додадени конкавните огледала за да се фокусира светлината на целната област, при што секое огледало било тестирано поединечно, а потоа во комбинација додека не се искористиле сите четири.
Резултатите покажале дека користењето огледала за фокусирање на светлината ја зголемува целната температура повеќе отколку да има близок извор на светлина. Ова посочува дека светлината се шири во сите правци, но обликот на конкавното огледало ја концентрира на една точка.
Како што се додавале повеќе огледала, целната зона станувала пожешка. Зголемувањето на моќноста на изворот на светлина, исто така, ја зголемило температурата за секое огледало, но удвојувањето на бројот на огледала не го удвоило зголемувањето на температурата.
- Како заклучок, овие серии експерименти покажаа дека принципот на „смртоносниот зрак“ на Архимед е можен и оттука ги прифаќам моите оригинални хипотези дека конкавните огледала може да се користат за да се рефлектира и концентрира светлината што се испушта од извор на светлина - напишал Сенер во својот истражувачки труд.
Ограничување на оваа технологија е тоа што може да не работи добро на студено време или кога небото е облачно, забележа Сенер.
Извор:
Interestingengeneering.com
Фото:
CSFJ