Благодарение на подобрувањето на медицината, повеќето од нас живеат подолго. Тоа значи дека сме го зголемиле инвестирањето и сме обезбедиле нашиот мозок да остане во форма додека старееме. Додека зголемувањето на животниот век не мора да значи дека ќе доведе до повисока инциденца на когнитивни нарушувања, се очекува Алцхајмеровата болест да влијае врз милиони стари лица до 2025 година.

За среќа, напредната технологија им овозможи на истражувачите да разберат како функционира мозокот, на што реагира и одговара и како тој повторно може да се тренира. На пример, знаеме дека нашиот мозок повеќе сака храна со високо ниво на антиоксиданси, вклучувајќи боровинки, кељ и јаткасти плодови. Знаеме дека медитеранската исхрана која е богата со зрна, риба, овошје и црвено вино, може да доведе до повисоки функции на мозокот. И знаеме дека смеењето може да го преквалификува нашиот мозок повеќе да гледа на позитивните можности отколку на негативните.

Без разлика дали сте 25 или 65 години, имајте ги во предвид овие неколку ритуали за кои когнитивните научници велат дека може да му помогнат на мозокот да развива нови клетки, да формира нови нервни патишта, да го подобри спознанието и да ви помогне да изгледате остро и позитивно.

Честитајте си себеси за малите победи

Фреквенцијата на успехот е поважна од големината на успехот, па затоа не чекајте да дојдат големи победи за да си честитате себеси, вели Б.Џеј Фог, директор на „Persuasive Tech Lab“ на Стенфорд Универзитетот. Создадете си дневни прославувања за себеси; вашиот мозок не ја знае разликата помеѓу напредок и перцепиран напредок.

И напредокот и неуспехот влијаат врз нашите емоции. Колку порано во денот се чувствувате неуспешно, толку подобро - чувствата на возбуда ви помагаат да ги „наполните“ однесувањата кои ќе ви донесат успех. На пример, продуктивната утринска рутина може да се искористи за ваша мотивација во текот на денот. Ќе се чувствувате посреќно и похрабро со зголемувањето на енергијата, а ќе чувствувате вознемиреност и депресија како што енергијата се намалува.

Бидете активни

Според неврологот Етјен ван дер Волт, одржувањето активен живот е еден од најдобрите начини за подобрување на здравјето на вашиот мозок. „Специфичните форми на вежби се покажува дека се многу корисни за растењето на мозокот“.

Едноставно кажано, кога вежбаме, се зголемува отчукувањето на срцето, кислородот се пумпа до мозокот на многу побрза стапка и новите мозочни клетки се развиваат побрзо. Колку повеќе мозочни клетки создаваме, толку полесно им е на клетките да комуницираат една со друга и да развиваат нови нервниа патишта.

Истражување од 2014 година од Универзитетот во Илиноис открива дека децата кои редовно вежбаат имаат повисоки „инхибиции на внимание“ кои се дефинирани како „способност да се блокираат неважните информации и да се концентрираат на задачата“.

Не е потребно кој знае колку потење за да го одржувате вашиот мозок во добра форма. Едно истражување спроведено од Одделението за науки за вежбање на Универзитетот во Џорџија во 2003 година открива дека 20 минутното вежбање е доволно за да ги промени информациите на мозокот и функциите на меморијата.

Истегнете ги мускулите на мозокот

Како и сите други мускули во вашето тело, ако не го користите мозокот, на крајот ќе го изгубите. Ова значи дека е од клучно значење да го вежбате вашиот мозок и да го стимулирате.

Тара Сварт, лектор на Институтот за технологија во Масачусетс, вели дека особено е важно за цел да ви се областите на мозокот кои ги користите поретко. Добри предлози за истегнување на мсукулите на мозокот вклучуваат учење да зборувате странски јазик, учење да свирите нов инструмент, па дури и учење да жонглирате.

За подобрување на својата когнитивна моќ, авторот Џејмс Алтучер се обидува да создаде нови идеи секој ден.

„Земете мало бележниче и пенкало. Одете во локалното кафуле. Можеби прочитајте инспиративна книга 10 или 20 минути. Потоа започнете да пишувате идеи. Клучот е таму, да напишите 10 идеи. Малото бележниче е премногу мало за да напишите цел роман или параграф. Всушност, совршено е за да создадете листа. И тоа е она што го сакате - листа од идеи“.

На средината на вежбата, Џејмс вели дека неговиот мозок всушност започнал да го „боли“. Без разлика дали завршува со користење на идеите или ги фрла, тоа не е целта. Но, важно е да варира вашата рутина. Психологот на Хравард Шели Х.Карсон, авторка на книгата „Your creative brain“ верува дека со мешање на работите и дозволување на себеси да ви биде одвлечено вниманието, може да е важна когнитивна алатка.

Седете исправено

Мајките насекаде навистина бил во право кога им давале инструкции на нивните деца да седат исправено. Не само што оваа положба ја зголемува енергијата и го подобрува целокупното расположение, туку таа и ја зголемува нашата самодоверба. Тоа го покажува истражувањето од 2013 година спроведено од Емји Кади, професор по бизнис на Харвард.

Поставувајќи се себеси во немоќна, стуткана позиција може да го насочи вашиот мозок кон безнадежност. Во истражувањето, истражувачите откриле дека луѓето кои седат во стуткана позиција имаат помала веројатност да застанат зад себе и своите права.

Од когнтивина перспектива, поставувањето на вашата положба во немоќна, стуткана позиција може да предизвика вашиот мозок да се чувствува немоќно и да започне да се сеќава на депресивни спомени и мисли. Истражувачите велат дека овој феномен е вкоренет во нашата биологија и има корени назад за тоа како јазикот на телото е тесно поврзан со доминацијата во царството на животните.

Немојте да спиете со телефонот до вашата глава

Постојат многу митови за тоа како и како вашиот паметен телефон влијае врз мозокот. Додека се`уште се прават многу истражувања за безжичните уреди, се чини дека постои поврзаност помеѓу сината светлина, емитирана од електронските екрани, вклучувајќи ги и оние на паметните телефони и сонот. Прекинувањето или промената на навиките во спиењето е лошо поради многу причини. На пример, недостатокот на сонот може да спречува да го исфрлиме штетниот бета-амлоид од нашиот мозок.

Според Сара Сварт, лектор на Институтот за технологија во Масачусетс која специјализирала во проучување на спиењето и мозокот, природниот систем за чистење на нашиот мозок бара шест до осум часа спиење. Без него, мозокот на крајот се соочува со доста бета-амилоид, невротоксин пронајде во мозокот на луѓето со невролошки пореметувања како деменција и Алцхајмерова болест. 3G и 4G сигналите може да го спречат нашиот мозок да ги исфрли овие штетни бета-амилоид токсини.

Иако научниците отсекогаш знаеле дека нашиот мозок го чисти отпадот, слично како телото, софистицираноста на овој систем на чистење беше под истражување во 2013 година од Маикен Недергард од Центарот за невромедицина на Универзитетот во Рочестер. Ова истражување покажало „скриени пештери“ кои се отвораат во нашиот мозок кога сме до длабок сон. Течниот систем за чистење, овозможува големи количества на невротоксин да бидат истуркани преку 'рбетниот столб.

Значи, колку далеку треба да бидат паметните уреди? Добро би било да не се до вашата глава.