Случајот го привлече вниманието на многу медиуми и предизвика силни реакции од многу засегнати институции

Претставката во Антикорупциска комисија која просветниот инспектор Ѓорѓи Илиевски ја поднел против актуелниот министер за образование и наука Арбер Адеми и уште двајца функционери под сомнение дека противправно стекнувале наставно-научни звања на Државниот универзитет во Тетово во изминатите години, беше главната тема што Факултети.мк ја истражуваше минатата недела. Случајот го привлече вниманието на многу медиуми и предизвика силни реакции од многу засегнати институции. Имавме приказни со Александар Петков - иден пилот и меѓу најмладите авиоинженери во Италија, дека новите возила за итна медицинска помош сè уште не се користат, како новите материјали се користат за прочистување на отпадните води од тешки и токсични материјали, каков е третманот на хемијата како наука во Македонија.
„Министерот Арбер Адеми незаконски станал доцент на Тетовски, тврди просветниот инспектор Илиевски. Случајот го истражува Антикорупциска“ беше првиот од серијата текстови што отворија широка дебата.
Следуваше продолжение со наслов „Уште еден скандал на ДУТ: Двајца функционери незаконски станале вонредни професори, тврди просветниот инспектор Илиевски“. Антикорупциска комисија испитува и дали заменик-министерот за внатрешни работи Агим Нухиу и директорот на Државниот завод за индустриска сопственост, Сафет Емрули, незаконски напредувале во наставно-научни звања.
По овие два текста Државниот просветен инспекторат се огласи дека се оградува од тврдењата на инспекторот Илиевски за нерегуларностите на тетовскиот универзитет во врска со изборот на наставно-научни звања на тројца државни функционери.
На тоа Илиевски реагираше со писмо во кое нагласи: „Бев замолен да го прикријам целиот случај“. Тој рече:

Во меѓувреме, објавивме приказна за Александар Петков - иден пилот и меѓу најмладите авиоинженери во Италија. Тој е еден од најмладите воздухопловни инженери во Италија, постдипломец по авиомеханика и иден пилот на комерцијални летови.
Илија Ристовски, матурант од „Нова“, ќе ги совладува вештините на кардиологијата или ортопедијата на најстариот медицински факултет во Унгарија. Откако првата година од средното образование ја завршил во гимназијата „Орце Николов“, втората во САД како стипендист на YES програмата и последните две години во „Нова“, Ристовски се чувствува подготвен за новата образовна авантура.
Професорот Александар Димитров од Технолошко-металуршкиот факултет од Скопје, заедно со тимот соработници од овој факултет, веќе неколку години интензивно работи на истражувања од областа на наноматеријалите. Нивниот најнов научен проект е примена на нови материјали за прочистување на отпадните води од тешки и токсични материјали за заштита на животната средина и природата.
„Да учиш хемија во Македонија е како да учиш да возиш без велосипед“, вели д-р Марина Стојановска, професорка на Институтот за хемија во Скопје и член на секцијата за образование при Сојузот на хемичарите и технолозите на Македонија. Таа вели дека наставникот има клучна улога во општеството. Tој е еден од најважните фактори за квалитетно образование на учениците.
Новите возила за брза помош сè уште не се користат. Се чекаат документи за регистрација. Директорите на здравствените домови не можат да ги регистрираат шесте возила што ги доби Итната помош во Скопје и останатите шест што ги добија установите во Крушево, Кичево, Крива Паланка, Берово, Струга и во Дебар.