Босна и Херцеговина има најмал број вакцинирани жители против коронавирусот во регионот, додека Словенија има најмногу. Во Словенија досега биле аплицирани 1,92 милион дози, а целосно се имунизирани 918.000 лица. Тоа е 44,1 отсто од населението.

На второ место во регионот се наоѓа Србија, каде што се аплицирани 6,02 милиони дози, а две дози примиле 2,82 милиона жители. Србија досега вакцинирала 40,7 отсто од населението.

Хрватска досега вакцинирала 40,1 отсто од населението, а биле аплицирани 3,3 милиони дози, но целосно се вакцинирани 1,63 милион лица.

Во Црна Гора биле аплицирани 405.000 дози, а 190.000 жители примиле две дози. Со тоа, 30,5 отсто од жителите на Црна Гора се целосно вакцинирани.

Во нашата земја досега биле аплицирани 1,3 милион дози, а целосно се имунизирани повеќе од 589.000 граѓани, според последните податоци од Министерството за здравство. Со тоа, досега се вакцинирани над 27 отсто од жителите.


Во Албанија досега се вакцинирани 22,9 отсто од жителите. Биле аплицирани 1,5 милион дози, а комплетно се вакцинирани 656.000 лица.

Во Босна и Херцеговина досега се вакцинирале 10,9 отсто од жителите. Аплицирани се 918.000 дози, а целосно се вакцинирани 361.000 жители.

Веб-страницата што го објавува процентот на вакцинирано население „Аур ворлд ин дејта“ не објавила податоци за Косово.

Извори: Avaz | Министерство за здравство
Фото: Љубљана/Pixabay