Норвешката линија за крстосување „Хуртигрутен“ се враќа во водите, но со голема промена на маршрутата: бродот нема да запре никаде, а патниците ќе останат на бродот цели две недели.

14-дневното крстосување ќе почне од Хамбург, Германија, и ќе оди до брегот на Норвешка, но бидејќи границите на земјата се делумно затворени од средината на март, бродовите не смеат да застанат на пристаниште.


Дизајниран како експедитивен брод, „Фридтјоф Нансен“ има и мали чамци наречени „Зодијак“ кои служат за истражување, како и кајаци, а портпаролот на компанијата вели дека сите ќе бидат пуштени во употреба во текот на пловидбата.

- Дозволено ни е крстосување со „Зодијак“ и кајакарење - вели портпаролот Руне Томас Еге.

Патниците можат да пливаат и надвор од бродот и да ги посетат крајбрежните фјордови и планински предели.


Од 15 јули Норвешка треба да дозволи патување без карантин за некои националности, а списокот првично објавен на 10 јули се ажурира на секои две недели. „Хуртигрутен“ вели дека останува флексибилен и ќе ги измени своите маршрути доколку им е дозволено на посетителите да одат на брегот, дури и ако правилата се променат на сред крстосување.