Паровите што живеат во ист дом најчесто спијат во ист кревет, а истражувањата покажуваат дека тие најчесто имаат подобар сон. Меѓутоа, во многу случаи спиењето со партнерот во ист кревет може да биде тешко. Се јавуваат проблеми со движењето и влечењето на покривачот што може да го нарушат спиењето.

Постои еден начин на решавање на овој проблем, а тој се нарекува скандинавски метод на спиење. Основниот концепт на овој метод е дека партнерите спијат во ист кревет, но не делат една прекривка. Наместо тоа, секој добива своја прекривка.

Истражувањата покажале дека спиењето во ист кревет со партнерот и притоа делењето на прекривката може да доведе до 30 отсто повеќе прекини во сонот. Колку повеќе можности за прекини во сонот има, толку е поголема веројатноста за лошо спиење.

Делењето на прекривката може да влијае и врз температурата, што исто така може да го наруши сонот. Многу парови имаат различни преференции за температурата, па користењето различни прекривки може да помогне во решавање на овој проблем.

Извор: Studenti
Насловна фотографија: Freepik