Хормонот на стрес кортизол е многу важен хормон во телото бидејќи регулира како телото реагира на стресни ситуации. Затоа е познат како хормон на стресот, а кога е надвор од рамнотежа, можни се многу несакани последици. Една од нив е сосема неочекувана и непријатна последица – влакната на брадата кај жените.

Поточно, кога станува збор за нерамнотежа на хормоните, Кушинговиот синдром можеби не е толку чест како синдромот на полицистични јајчници, но жените имаат три пати поголем ризик да го развијат. И ова е синдром кој предизвикува високи нивоа на хормонот кортизол.

Во симптомите е обично вклучена појава на оние влакна на лицето, т.е. на брадата, но можни знаци се и зголемување на телесната тежина, стрии, модринки кои лесно се појавуваат на кожата, слабост на мускулите или коските.

Може да се појави и како несакан ефект од земање одредени лекови или поретко поради тумори, но и од други причини.

Во секој случај, исклучително е важно да се јавите кај специјалист доколку се сомневате дека имате проблем со хормоните, или воопшто ако имате некои тешкотии бидејќи колку побрзо ја добиете вистинската дијагноза и третман, толку побрзо ќе го решите проблемот и ќе спречите компликации.

Извор: n1info.hr

Фото: Freepik