Светскиот економски форум спроведе истражување за работното време на работниците во земјите ширум светот.

Од резултатите дознаваме дека најмногу работат Мексиканците и Корејците, а најмалку Германците и Норвежаните. Вработените во Мексико работат просечно 2.237 часови годишно. Работниците во Јужна Кореја работат просечно 2.163 часови годишно, оние во Грција 2.060, во Чиле 2.015 и во Русија 1.980 часови.

Во групата на земји во кои работниците поминуваат најмногу време на работното место се наоѓаат и Латвија, Полска, Унгарија, Израел и Естонија.

Според истражувањето, најмалку работат Германците, со просечно 1.363 часови годишно. Следува Норвешка, каде работниците работат просечно 1.408 часови годишно, а по неа Холандија со 1.421 часови, Данска со 1.438 и Франција со 1.489 часови годишно.

Меѓу земјите кадешто работниците работат најмалку се и Словенија, Белгија, Швајцарија, Шведска и Австрија.