Локалните жители на Грција се бесни поради наводниот прекумерен туризам од страна на жителите на Велика Британија. Ролетните на предните делови на продавниците во Атина се покриени со графити на кои пишува: „Не за туризмот“, истата порака што ја испратија и Шпанците минатата недела.
- Потребни ни се правила. Атињаните се соочуваат со секојдневни социјални и еколошки влијанија. Кризата за домување е огромна. Атина пречека повеќе од 7 милиони туристи во 2023 година - изјави Катерина Кикилија, професорка по туризам на Универзитетот во Западна Атика.
Експертите предвидуваат зголемување на бројот на туристите за 20 отсто оваа година, што ги прави некогашните празни августовски улици едно далечно сеќавање.
- Некогаш прекрасно соседство, денес центар за краткорочно изнајмување, без семејства и ученици - вели Катерина.
- Секој посетител носи 0,40 евра во градот, а овие пари ние сè уште ги немаме видено. Потребен ни е одржлив туризам кој не ги влошува градските нееднаквости - изјави градоначалникот Харис Дукас и најави истражување за туристичкиот капацитет за да се постават граници на градот и да се соберат податоци за краткорочни изнајмувања и хотели.
Во урбаните средини, социо-културното влијание е големо, туристите ги раселуваат долгогодишните жители и го менуваат карактерот на населбите, пишува народниот правобранител во извештајот за одржлив туризам. Цените за изнајмување вртоглаво пораснаа, особено во близина на метро-станиците кои се популарни кај туристите.
- Постои голем проблем со понудата на пазарот за изнајмување, побарувачката е петпати поголема од понудата. Многу реновирани имоти се нудат за краткорочно изнајмување или преку затворени мрежи, не стигнувајќи до општиот пазар. Многумина се борат - вели Андонис Маркополус, коосновач на компанијата за недвижности „Просперити“.
Предупредувањата до британските туристи дојдоа откако избија протести и демонстрации на Канараските и на Балеарските Острови.
Извор:
Birminghammail.co.uk
Фото: Freepik