Вселенскиот телескоп „Њу хорајзонс“ на американската вселенска агенција НАСА патува некаде помеѓу ѕвездите, а во меѓувреме прави фотографии и ги испраќа до Земјата. Телескопот, испратен во 2006 година, бил на мисија да помине покрај Плутон, и го направил тоа во 2015 г. Потоа продолжил да патува низ вселената, надвор од нашиот Сончев Систем.

На 17 април стигнал на оддалеченост од 7,5 милијарди километри, или 50 астрономски единици, што е 50 пати повеќе од растојанието помеѓу Земјата и Сонцето.


Ова е петто летало досега што стигнало ваква оддалеченост, по „Војаџер 1“, „Војаџер 2“, „Пајонир 10“ и „Пајонир 11“.

За да се одбележи подвигот, НАСА објави фотографија направена од „Њу хорајзонс“ на која се наоѓа „Војаџер 1“. „Војаџер 1“ се наоѓа на оддалеченост од 152 астрономски единици и е најоддалечен објект направен од човекот.


На фотографијата двете летала се оддалечени меѓу себе дури 18 милијарди километри. Затоа, јасно е што на фотографијата воопшто не се гледа „Војаџер 1“, иако НАСА го означила местото на кое се наоѓа тој.

„Њу хорајзонс“ никогаш нема да го стигне „Војаџер 1“, но НАСА го користи телескопот за да ја мери темнината на небото и вселенските феномени.


Автор: Мајкл Ирвинг
Извор: newatlas.com