НАСА ги избра компаниите „Интуитив машинс“, „Лунар аутпост“ и „Вентури астролаб“ за изградба на лунарно теренско возило кое ќе ја истражува Месечината. Со потенцијална заработка од 4,6 милијарди долари во текот на 13 години, подвигот означува значаен чекор во истражувањето на Месечината на НАСА во рамките на програмата „Артемис“.
Овие три компании се задолжени за дизајн на возилата способни за навигација во екстремни услови на Месечината, во кои ќе можат да се возат двајца астронаути во вселенски костими.
- Ќе го користиме возилото за да патуваме до локации до кои инаку не би можеле да стигнеме пеш, зголемувајќи ја нашата способност да истражуваме и да стигнеме до нови научни откритија - изјави Џејкоб Бличер, главен истражувачки научник во Дирекцијата за мисија и развој на истражувачки системи на НАСА.
Фото: Venturi Astrolab
„Интуитив машинс“, компанија позната по своите вештини за слетување на Месечината, влезе во историјата како прва приватна компанија која слета на Месечината. Сепак, нивното достигнување беше уништено со страничното слетување на лендерот, прво од ваков вид во повеќе од половина век.
Програмата „Аретмис“ на НАСА настојува да го одржува присуството на Месечината, што е отскочна штица кон крајната цел на човечките мисии на Марс. Првично планирана за 2024 година, мисијата „Артемис II“ сега е презакажана за септември 2025 година, а „Артемис III“ за септември 2026 година.
Процесот на развој на лунарно возило вклучува физибилити-студија проследена со предлог за демонстративна мисија, која кулминира со распоредување и валидација на површината на Месечината пред мисијата „Артемис V“. Роботските способности на возилото ќе овозможат научно истражување во текот на целата година, дури и за време на периоди без екипаж.
Како што се развива програмата „Артемис“, соработката помеѓу НАСА и приватните компании најавува нова ера на истражување на Месечината, поставувајќи ја основата за ширење на човештвото во вселената.
Фото: Intuitive machines