Прво забележавме дека вештачката интелигенција зборува како човек. Сега се случува нешто многу почудно. Луѓето почнуваат да зборуваат како вештачката интелигенција.

„Волстрит журнал“ опишува сè повеќе луѓе кои во е-пораките, разговорите и на состаноците користат конструкции карактеристични за „Чет-ГПТ“ и „Клод“: совршено структурирани реченици, бесконечни листи, претерана љубезност, „јасни следни чекори“ и онаа необична корпоративна ведрина која е тешко да се чуе во вистински човечки разговор. Во некои компании вработените веќе се шегуваат со колегите што „зборуваат како Клод“. Но работата не е сосема безопасна.

Јазикот не е само средство со кое нешто соопштуваме. Тој го обликува начинот на кој мислиме. Ако секој ден со часови разговараме со систем кој ни предлага како да напишеме порака, извештај, љубовно писмо или извинување, логично е да почнеме да преземаме дел од неговиот ритам.

Истовремено, истражувањата за влијанието на ВИ-асистентите покажуваат многу различни резултати: на некои луѓе им помагаат, додека интензивното користење на ВИ како замена за човечкото друштво може да биде поврзано со послабо чувство за благосостојба, особено кај луѓето што веќе имаат малку социјални контакти. Можеби наскоро ќе можеме да препознаеме ВИ-текст.