Градот Амстердам е познат по многу работи, а една од нив е неговата енергична велосипедска култура. Општо земено, познато е дека Холанѓаните се велосипедисти во секојдневниот живот.

Една нова студија на истражувачите од Универзитетот во Јужна Данска, објавена во „Комјуникејшнс ерт енд енвајронмент“, сугерира дека ако сите во светот возат велосипед како Холанѓаните, глобалните емисии на јаглерод би се намалиле за неверојатни 756 милиони тони.

Луѓето во Холандија возат велосипед во просек по 2,6 километра дневно. Климатската организација „Хубуб“ откри дека 50 отсто од нашите дневни патувања се долги помалку од 1 километар. Велосипедите се опција без јаглерод, која исто така ќе поттикне здрав начин на живот кој може да спречи болести.

На глобално ниво, транспортот е огромен производител на јаглерод. Секторот достигнува една четвртина од глобалното производство, половина од тоа произлегува од приватни возила. Истражувачите открија дека со возење велосипед на истите растојанија како Холанѓаните може да се заштедат 756 милиони тони емисии на јаглерод годишно. Ова е поголемо од емисиите на јаглерод од сите земји во ОК, Канада и безброј други, соодветно.

- Лекциите научени од успешните искуства во земји како Данска и Холандија, особено на градско ниво како Копенхаген и Амстердам, би биле од суштинско значење. Тие вклучуваат, но не се ограничени на, правилно планирање и изградба на велосипедски патеки, професионално образование и култура и политики за обесхрабрување на употребата на автомобили преку данок - велат истражувачите.

Извор: Mymodernmet.com
Фото: Freepik