Мистеријата позната како Дјатлов превој е решена по 61 година - била спроведена нова истрага за смртта на студентите што исчезнале додека биле на скијање.

Студентите тргнале на пат под водство на Игор Дјатлов, а истражувачите подоцна ги пронашле нивните смрзнати тела. Дел од нив биле пронајдени без одредени делови од телото, некои биле голи, а некои имале чудни повреди. Новото истражување заклучило дека студентите починале како последица од хипотермија и едноставно немале никакви шанси да преживеат. Трагичниот случај со години го следеа шпекулации и теории на заговор, па така можеше да се слушне дека за нивната смрт биле одговорни вонземјани, тајно руско оружје, па дури и јети.

Во групата биле седум мажи и две жени, а истражувачите тврдат дека побегнале голи бидејќи немале време да се облечат.

Нивниот шатор бил мистериозно срушен, кампот напуштен, а сите работи и облеката биле оставени, што дополнително ги збунило истражувачите затоа што биле на речиси 2 километра од кампот во кој се наоѓале шаторите и телата на Јуриј Дорошенко и Јуриј Кривонишенко. Телата биле пронајдени покрај остатоците од догорениот оган, облечени само во долна облека.


Некои тела не биле пронајдени сè додека не се стопил снегот, два месеци подоцна, со фрактура на черепот и повреди на градите.

Според државниот обвинител Андреј Курјаков, шаторот на групата бил во опасност од лавина, така што групата избегала од кампот за да се заштити зад гребенот.

- Тие направиле сè како што треба - вели тој додавајќи дека кога групата се свртила за да се врати, го изгубила од вид шаторот.  Видливоста била 16 метри. Тие запалиле оган, а потоа почнале да го бараат шаторот, но тој исчезнал по лавината - вели Курјаков.

Групата замрзнала до смрт на температури помеѓу -40 и -45 Целзиусови степени.

- Тоа била херојска битка. Немало паника, но немале никакви шанси под тие околности.

Извор: Vecernij.hr | Daily Mail