Владата соопшти дека ќе им го блокира пристапот на децата кои користат платформи на социјалните мрежи чија цел е да овозможат социјална интеракција меѓу корисниците и кои им дозволуваат на корисниците да објавуваат материјали со помош на алгоритми.

Тоа значи дека забраната ќе ги опфати платформите како „Снепчет“, „ТикТок“, „Јутјуб“, „Инстаграм“, „Фејсбук“ и „Икс“, се наведува во соопштението на владата. Владата соопшти дека нема намера во забраната да бидат вклучени сервисите за размена на пораки, како што е „Вацап“, или стриминг-платформите за музика, а исклучоците постојано ќе се преиспитуваат.

Како ќе се спроведува забраната?

Британскиот премиер изјави дека забраната ќе се спроведува преку мерки против платформите на социјалните мрежи, а не со казнување на децата кои ќе најдат начини да ја заобиколат. Владата соопшти дека регулаторното тело „Офцом“ ќе спроведе брзо истражување за да го утврди најдобриот начин за проверка на возраста, односно дали некој е постар од 16 години, и дека ќе има нова стратегија за спроведување и финансирање.

Стармер изјави дека целта е релевантните прописи да бидат усвоени пред Божиќ, а забраната да стапи на сила на почетокот на следната година.

Ограничувања на страниците за игри

Исто така, владата соопшти дека ќе ги блокира преносите во живо и комуникацијата со непознати лица за помладите од 16 години, вклучујуќи ги и страниците за игри. Стармер истакна дека ова ќе ги спречи непознатите лица да стапуваат во контакт со децата преку овие страници.

Исто така, владата подетално ќе ги разгледа ноќните полициски часови и паузите во бесконечното „скролање“ за помладите од 18 години, а повеќе детали ќе изнесе во одговорот следниот месец.

Ограничувањата на функциите кои се забранети за лицата помлади од 16 години, стандардно би се применувале и за шеснаесетгодишниците и седумнаесетгодишниците, соопшти владата.

Извор: Atvbl.rs
Фото: Magnific