Француската подружница на
ИКЕА и 15 индивидуалци, меѓу кои и поранешни вработени и полициски службеници, се обвинети за шпионирање на своите вработени и на потрошувачите. Помеѓу обвинетите има и двајца извршни директори на подружницата во случај од 2012 година кога шведската компанија била обвинета за нелегално купување полициски документи.
Имено, компанијата била обвинета дека ѝ платила на полицијата за да добие информации за вработени што биле дел од работнички синдикати, како и клиенти со кои компанијата имала несогласување. Судските власти велат дека француската подружница платила за судски, полициски и банкарски детали од овие луѓе. Сите овие информации биле преземени од архивата на француската полиција, која ги следи имињата и личните информации на милиони криминалци, жртви, па дури и сведоци.
Фото: Pixabay
Помеѓу обвинетите се наоѓаат и четворица полициски службеници, поранешните директори на подружницата - Жан-Луис Бејо и Стефан Вановербек, како и поранешниот директор за финансии, Дариус Ришер.
Во четвртокот судот во Париз одлучил дека нема доволно докази за да се одржи судење.
Поради обвиненијата, француската подружница на ИКЕА отпушти четири лица и отвори внатрешна истрага. Компанијата има 34 продавници во Франција и вработува 10.000 луѓе.
Извор:
theguardian.com