Медицинскиот факултет при Универзитетот во Њујорк во средата објави дека ќе им дозволи на студентите од последната година на студии да дипломираат порано од предвидениот термин за да помогнат во борбата против коронавирусот.

Факултетот „Гросмен“ изјави дека го дозволува предвременото дипломирање за да одговори на зголеменото ширење на коронавирусот и на барањето од гувернерот Куомо да се вработат повеќе здравствени работници во побрз рок. Претставник на факултетот изјавил во средата дека 69 од 122 студенти во последната година од студирањето волонтирале за да дипломираат предвреме и да почнат со пракса во болниците низ Њујорк што имаат соработка со универзитетот.


Сепак, одлуката на факултетот мора да биде одобрена од министерството за образование на сојузната држава Њујорк, како и од други образовни органи. Се очекува одобрување на планот со надеж дека студентите ќе почнат со праксата на почетокот од април.


Во моментов, во државата се потребни лекари кои ќе се грижат за заболените од Ковид-19, болеста која е предизвикана од коронавирусот. Претходно само во Втората светска војна од студентите се побарало да почнат со практична работа предвреме.

Автор: Џоу Хајм
Извор: washingtonpost.com