„Гугл“ тестира нова функција за верификација во резултатите од пребарувањето, што треба да им олесни на корисниците да избегнуваат кликнување на лажни веб-локации. Некои корисници веќе ја гледаат препознатливата сина ознака за проверка до страниците на компаниите како „Мета“ или „Епл“, а се очекува наскоро да ја видат сите.

- Редовно експериментираме со функции кои им помагаат на клиентите да идентификуваат доверливи бизниси на интернет, а моментално спроведуваме мал експеримент на прикажување етикети за потврда до одредени бизниси на „Гугл“ - потврди портпаролката на „Гугл“, Моли Шахин.

Кога корисникот поминува над ознаката за проверка, ќе се прикаже порака која објаснува дека „Гугл“ смета оти тоа е вистинска страница на компанијата. Според Шахин, верификацијата ќе се врши преку податоци од „Мерчан центар“ и рачни прегледи во самиот „Гугл“.

Сепак, во известувањето се наведува и дека „Гугл“ не може целосно да го гарантира кредибилитетот на компанијата или нејзините производи.

Извор: bug.hr

Фото: Freepik