Поларната светлина е еден од најголемите подароци на Земјата. Кога ова природно светлосно шоу ќе го заземе небото, создава неверојатен момент. За жал, овие аурори се видливи само во одредени делови од светот, па токму тука влегуваат во игра фотографите. Благодарение на нив, можеме да уживаме во убавината на поларната светлина без разлика каде живееме.

За навистина да ја доживеете поларната светлина, погледнете ги овогодишните победнички фотографии од овој природен феномен на блогот „Capture the Atlas“. Секоја година блогот избира најдобри фотографии од фотографи и резултатите се неверојатни. Фотографиите се од далечните области на Русија до шумата на Алјаска и исландскиот вулкан. И на секоја фотографија поларната светлина танцува низ небото.

Фотографиите се неверојатни и прекрасни и ја прикажуваат широката разновидност на поларната светлина. Од класично зелена, сина и виолетова до жолта и розова, присутни се сите бои. Претставени се и северната и јужната хемисфера, за публиката да знае дека поларната светлина не е видлива само во Шведска или Норвешка. На пример, прекрасната фотографија на Дејвид Олденхоф од поларната светлина која се рефлектира во водите на езерото е направена во Тасманија. Како најјужната држава во Австралија, поларната светлина може да се види таму од март до септември.


Извор: Mymodernmet.com
Фото: Aleksey R.