Вештачката интелигенција е вештината што најголем дел од Русите би сакале да ја совладаат во следната година, покажа истражувањето спроведено од дигиталниот сервис „КИОН строки“ и образовниот холдинг „Скилбокс“.

Според резултатите од истражувањето, 58 отсто од испитаниците ја навеле вештачката интелигенција како најпосакувана нова вештина за учење.

Желба за промена на кариерата

Дизајнот и креативноста, како и програмирањето и новите технологии, ги интересираат 40 отсто од учесниците, додека 30 отсто сакаат да учат странски јазици. Маркетингот и односите со јавноста ги избрале 22 отсто од испитаниците. Најчеста причина за стекнување нови знаења е желбата за промена на кариерата или наоѓање подобра и подобро платена работа, што го навеле 60 отсто од учесниците.

Дури 51 отсто од нив учат од љубопитност и желба за проширување на знаењата, додека 30 отсто бараат нови знаења за време на стресни периоди и животни проблеми, а 20 отсто поради нови хобија.

Книгите и понатаму претставуваат важна алатка за самообразование. Околу 69 отсто од испитаниците ги користат за подлабоко разбирање на новите теми, 33 отсто за решавање конкретни проблеми, а 32 отсто за стекнување знаења потребни за нова професија.

Покрај книгите, 37 отсто од испитаниците користат онлајн курсеви, додека 29 отсто за учење нови области користат невронски мрежи.

Во истражувањето се наведува дека 77 отсто од учесниците сметаат дека универзитетите нудат основни знаења, додека книгите и курсевите помагаат во развојот на практичните вештини.

Истражувањето е спроведено преку онлајн анкета меѓу 1.200 граѓани на Русија на возраст од 18 до 60 години, главно од градови со повеќе од еден милион жители.

Извор: Telegraf.rs
Фото: Magnific