Како се справува нашиот образовен систем со наставата во време на коронавирусот, можно ли е да се полага државна матура во домашни услови ако потрае периодот на изолација? Како вирусот ги изненади напредните западни општества, како Американците се справуваат со пандемијата? Ова се темите што ги истражувавме неделава.
Еден од најголемите предизвици за наставниот кадар и за Министерството за образование и наука ќе биде полагањето на државната матура ако кризата со коронавирусот потрае. Извесно е дека матурантите ќе мора во домашни услови да се подготват за полагањето. Останува отворено прашањето како ќе се полагаат екстерните и интерните предмети.

„Пандемијата на Ковид-19 ќе овозможи да се осознае отпорноста на капитализмот да се справи со опасност која изискува радикално пренасочување на живиот капитал од приватно кон јавно добро. Лимитираните ресурси со кои сега располагаме и во најразвиените и во најбогатите општества се покажуваат како недоволни“, вели во интервјуто д-р Горан Јанев, професор по социјална антропологија на Институтот за социолошки и политичко-правни истражувања во Скопје.
„Коронавирус: како дејствуваат полицијата и армијата во вонредна состојба? Основното прашање е дали безбедносните субјекти во вакви околности можат да одговорат на новиот предизвик“, вели во својот став проф. д-р Оливер Бакрески од Институт за безбедност, одбрана и мир при Филозофскиот факултет во Скопје.