Пулицеровата награда оваа година ја добија две новинарски истражувања поврзани со американскиот претседател Доналд Трамп и известувањата за проблемот со вооружените напади по нападот на училиштето во Паркленд.

На доделувањето на наградите постхумно ѝ беше врачена Пулицеровата награда за Арета Френклин за нејзиниот придонес во американската музика и култура.


Новинарите во октомври 2018 година открија и дека Трамп со години добивал пари од својот татко во висина од 413 милиони долари, а парите пристигнувале од фиктивна компанија за да може да се избегне плаќање данок.

Пулицерова награда во категоријата национално известување добија новинарите од „Волстрит журнал“ за обелоденувањето дека Трамп пред претседателските избори во 2016 година им платил на две жени за тие да зборуваат јавно за нивната афера со него.

Три Пулицерови награди беа доделени за известувањата за масакри во САД. Едната Пулицерова награда ја доби весникот „Сан Сентинел“ за известувањето за училишниот масакр во Паркленд, односно за пропустите на училиштето, властите и на полицијата што довеле до загуба на толку животи.

Награда доби и „Питсбург пост-газета“ за известувањето во врска со нападот врз синагогата во Питсбург што се случи минатиот октомври. Специјална награда доби и „Капитал газета“ за известувањето за масакрот во сопствената редакција во Анаполис, Мериленд. Покрај наградата, на весникот му се доделени и 88.000 долари за да продолжи со својата работа.