Сакате да промените нечие мислење додека се однесувате како да го охрабрувате? Сè што треба да направите е да поставите високи стандарди за нешто и да му дадете малку време. Дури и да ги достигнале стандардите, веќе се саботирале самите. Следува објаснување.

Докажан факт е дека кога немаат целосни информации, луѓето формираат мислење врз основа на информациите што најбргу им паѓаат на ум. Прашајте некого дали има повеќе зборови со почетна буква „в“ или „х“ како втора буква и ќе ви каже дека има повеќе зборови со „в“ како почетна буква бидејќи ние, луѓето, полесно се сеќаваме на зборови по првата буква отколку втората.

Психолозите пронашле начин како да се тестира оваа карактеристика на човековиот мозок. Тим од научници воден од психологот Норберт Шварц одлучил да ја уништи самодовербата на луѓето со тоа што од нив барал да набројат неколку примери кога биле наметливи и потоа да проценат дали се наметливи личности.

Разликата во тоа дали личноста мислела дека е наметлива или пасивна лежи во бројот на примери што биле побарани од нив. Оние што требало да набројат 6 примери го направиле тоа лесно и сметале дека се наметливи. 

Оние што требало да набројат 12 примери морале да мислат подолго и понапорно, но се сетиле на 12 примери. Тие имале двојно повеќе причини да мислат дека се наметливи, но сметале дека се релативно пасивни.

Самодовербата не била поттикната од бројот на примери, туку од тежината во мислењето на бараните примери. Излегува дека овој „трик“ може да функционира со луѓе кои проценуваат  што било. 

Прашајте една личност да се сети на многу причини за менување на работата или купување куќа. Иако ќе наброи многу примери, помалку ќе биде убедена дека тоа е добра идеја отколку некој што треба да се сети само на неколку причини за истата работа.

Се чини дека луѓето автоматски мислат дека доколку не можат веднаш да се сетат на доволно причини, тоа мора да не е добра идеја.