Како што изминуваат годините, сѐ повеќе луѓе се крајно незадоволни од својата работа.
Вработените известуваат дека задачите што ги извршуваат и состаноците што ги имаат се монотони и крајно досадни. Покрај тоа, работниот ден е предолг, а односите со шефовите се влошени.
Ова чувство на досада и трајна демотивација е препознаено од различни експерти како синдром наречен бордаут и стана постојан факт меѓу новите генерации.
Според истражувањето спроведено во Мексико од платформата за вработување „О-си-си Мандиал“, 75 отсто од 700 работници рекле дека се незадоволни од својата работа, а 87 отсто постојано бараат нова работа.
Зад ова се крие длабока вознемиреност и чувство на потценување, објаснува Камило Арбелаез, извршен директор и директор-психотерапевт на платформата „Ентерапија“, која веќе некое време обезбедува онлајн психотерапевтски услуги во Мексико.
- Синдромот бордаут е психолошко нарушување предизвикано главно од ниското ментално оптоварување на работното место, поради недостиг на соодветни квантитативни или квалитативни деловни задачи. Од друга страна, кај новите генерации создава краткорочна и среднорочна досада, што ја доведува во прашање нерамнотежата меѓу очекувањата што ги имаат од нивната работа и нивните реални напори - посочува Арбелаез.
Факторите што влијаат врз овој синдром се работните простории, кои имаат тенденција да бидат огромни и деморализирачки, и недостигот на можности за напредок во бизнисот. Сепак, експертот посочува три клучни точки:
- Недостиг на цел: вработениот не чувствува длабока поврзаност со она што го работи и што може да постигне со својата работа.
- Недостиг на интелектуален предизвик: вработениот ги извршува задачите без напор и за кратко време.
- Недостиг на изгледи за напредување: вработениот забележува очигледно ограничување во неговиот професионален развој или проекција на работата. Постои чувство на стагнација.
Синдромот бордаут може да влијае врз продуктивноста на организацијата, менталното здравје и емоционалното здравје. Тоа се одразува и врз економските загуби на човечкиот капитал, кој е од голема вредност за компаниите. Покрај тоа, постои голема можност вработените да развијат симптоми на анксиозност или депресија.
Според Светската здравствена организација (СЗО), Мексико е на прво место во светот по стрес на работа, со 75 отсто од работната сила која работи во стресни услови. По Мексико се Кина (73 отсто) и САД (59 отсто).
Една студија покажа дека 15 отсто од канцеларискиот персонал страда од овој синдром.
Но, лошата организациска клима, досадата на работниците и можноста за намалување на трошоците што влијаат врз финансиите може да се избегне доколку се постигне здраво работно место и се спречи развој на психички нарушувања.
Извор:
Bizlife
Фото: Pixabay